ގިނަ ދުވަސްތަކަކު ގޭގައި ތިބެން ޖެހުމުން ދަތިތަކެއް ހުންނާނެ ކަމަށާއި ނަމަވެސް އަދި ގޭގައި މަޑުކޮށްލަދިނުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އެދިވަޑައިގެންފިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ޞާލިޙް ވިދާޅުވީ މިހާރު އަޅާފައިވާ ފިޔަވަޅުތަކަށް ބަލައި ދެވެންހުރި ލުއިތައް އެކަމުގެ މުއްދަތުގަ ދެމުން ގެންދާނެ ކަމަށާއި އެފިޔަޅުތަކަށް ރައްޔިތުންގެ އެއްބާރުލުމަށް ވަރަށް ބޮޑަށް އެދިވަޑައިގަންނަވާ ކަމަށެވެ.
"އަޅުގަނޑު ދަންނަވާނީ ގޭގައި ތިބެން ދަތި ނަމަވެސް ކެތްތެރިވެލައްވާށޭ. ޖުލައި މަހު ވަރަށް ބޮޑު ބަންދެއް އެބަ އާދޭ. އެބަންދުގައި އެންމެންނަށް އުފާވެރިކަމާއިއެކު ހަމަޖެހިލައިގެން އުޅުމުގެ ފުރުޞަތު ލިބުމުން ލިބޭ އުފާވެރިކަން މާބޮޑުވާނޭ."
