މިހައިބާރަށް ފެތުރެމުން މިދަނީ އާ ވޭރިއަންޓްތަކެއް އެތެރެވުމުން ކަމަށްވެދާނެކަމަށް ރައީސް އިބްރާހީމް މުޙައްމަދު ޞާލިޙް ވިދާލުވެއްޖެއެވެ.
"ޤައުމުގެ އިޤްޠިޞޯދު އެންމެ ބޮޑަށް ބަރޯސާވެފައިވަނީ ފަތުރުވެރިކަމަށް. އެކަމަށް މުޅިން ހުއްޓުމަކަށް ނުގެނެސް ހިފެހެއްޓުމެއްގެތެރެއިން ކުރިއަށްދާން މަސައްކަތްކުރީ."
"އެޕްރިލް މަހާއި ހަމައަށް އައީ ކޮންޓްރޯލްކުރެވިގެން. އެއިގެ ފަހުން ފެތުރިގެން މިދިއައީ."
- ރައީސް ޞާލިޙްގެ ވާހަކަފުޅުން
އިންޑިއާ ފަތުރުވެރިން ހުޅުމާލޭގައި ކަރަންޓީނުގައި ތިބެންޖެހޭ މުއްދަތުގައި ނުތިބެ ނުކުމެ މަގުތަކުގައި އުޅެންފެށުމުން އިންޑިއަން ވޭރިއަންޓް ފެތުރިދާނެކަމުގެ ބިރުބޮޑުކަން އެއިރުންސުރެ މީޑިއާތަކުން ގެންދިއައީ ކަންބޮޑުވުން ފައުޅުކުރަމުންނެވެ. އެކަން ހުއްޓުވަން ކުރެނު މަސައްކަތެއް ފެނިފައިވީކަން އެނގިފައެއް ނެތެވެ.
