ކޮވިޑް ޖެހިގެން މިއަދު ނިޔާވި މީހުންގެ އަދަދު 6 އަށް އަރައިފިއެވެ.
އެންމެފަހުން ނިޔާވެފައިވަނީ އުމުރުން 78 އަހަރުގެ ދިވެހި ފިރިހެނެކެވެ. މިމީހާ ނިޔާވީ 8:12 ގައެވެ. މިއަދު 7:53 ގައިވެސް މީހަކު މަރުވިއެވެ. އެއީ 68 އަހަރުގެ ދިވެހި އަންހެނެކެވެ. އަދި އިރުއޮއްސި 6:40 ގައި ނިޔާވެފައިވަނީ 79 އަހަރުގެ ދިވެހި އަންހެނެކެވެ.
މީގެއިތުރުން ދަރުމަވަންތަ ހޮސްޕިޓަލްގައިގައި ފަރުވާ ހޯދަމުން ދަނިކޮށް މިއަދު 5:40 ގައި ނިޔާވެފައިވަނީ އުމުރުން 80 އަހަރުގެ ދިވެހި ފިރިހެނެއް ކަމަށެވެ. އަދި ހުޅުމާލެ މެޑިކަލް ފެސިލިޓީގައި ފަަރުވާ ހޯދަމުން ދިޔަ ދެމީހަކުވެސް ވަނީ ނިޔާވެފައެވެ. އެއީ މިއަދު ހެނދުނު 10:49 ގައި ނިޔާވި އުމުރުން 62 އަހަރުގެ ދިވެހި އަންހެނަކާއި މިއަދު ހެނދުނު 8:07 ގައި ނިޔާވި އުމުރުން 66 އަހަރުގެ ދިވެހި ފިރިހެނެކެވެ.
މިއަދު ނިޔާވި 6 މީހުންނާއެކު މިބަލީގައި ރާއްޖެއިން ނިޔާވި މީހުންގެ އަދަދު ވަނީ 129 އަށް އަރާފައެވެ. މިބަލީގައި ފުރަަަތަމަ މީހަކު ނިޔާވީ އޭޕްރީލް މަހުގެ 30 ވަނަ ދުވަހުއެވެ.
