ޚިޔާނާތްތެރިންނަށް ބޮޑެތި އަދަބުތަކެއް ދޭން ފެށިއްޖެނަމަ، ގެއަށް ގެންދާ ފައިސާގެ ޞައްޙަ ކަމާއިމެދު، ގޭގައި އިންނަ އަނބިމީހާ ވެސް 6 ފަހަރަށް ސުވާލުކުރާނެ ކަމަށާއި އަދި ޝައްކުވާނަމަ ބޭނުން ނުކުރާނެ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދުގެ މި ބަސްފުޅާއި ގުޅިގެން ޑރ. މުޙައްމަދު އިޔާޟް ޢަބްދުއްލަޠީފް ވިދާޅުވީ "އަދަބު އޮތްތަނުގައި ބާއްވާފައި، ވަފާތެރި އަންބަކު ނަމަ، ޙަރާމް ފައިސާ ގެއަށް ވައްދަން ނުރުހޭނެ ކަމަށެވެ.
ދައުލަތުގެ ފައިސާ އިން ވައްކަން ކުރާކަން ހާމަކުރިކަމަށްޓަކައި އޮޑިޓަރ ޖެނެރަލް ނިޔާޒް އިބަރާހީމްގެ ވަޒީފާ ގެއްލުވާލައި އަދި އަދާލަތު ޕާޓީގެ ރައީސް ޝައިޚް އިމްރާން ޢަބްދުﷲ އާއި ބީއެމްއެލްގެ މުވައްޒިފް ޤާސިމް ޖަލުގައި ބަންދުކޮށް އަދަބުދިންކަން ވެސް ޑރ. އިޔާޟް ވަނީ ފާހަގަކުރައްވައިފައެވެ.
"ޚިޔާނާތްތެރިންނަށް ބޮޑެތި އަދަބުތަކެއް ދޭން ފެށިއްޖެނަމަ، އެއްކަލަ ގޭގަ އިންނަ އަނބިމީހާ ވެސް 6 ފަހަރަށް އަހާނެ، ތިއަ ގެނައީ ޞައްޙަ ލާރި ހޭ؟ ހާދަ ޝައްކޭ! ތި (ފައިސާ) ބޭނުމެއް ނުކުރާނަމޭ!
ބައެއް މީހުން ނަޞޭޙަތަކަށް ނުގުޑާނެ! އެމީހުން ގުޑާނީ އަދަބަށް!"
Khiyaanaai therinnah bodethi adhab thakeh dheyn feshijje nama, ekkala geyga inna ANBIMEEHAA ves 6 faharah ahaane, (thiya genaee sahha laari hey?! Haadha shakkey! Thi beynumeh nukuraanamey!) Baeh meehun naseyhathakah nugudaane. E meehun gudaanee adhabah.
— Ali Zaid (@alizaid1000) February 15, 2019
