ކިޔަން ފައިދާހުރި ޛިކުރުތައް ގިނަބައަކަށް އެނގޭނެއެވެ. މައްސަލައަކީ ކިޔަން ސަމާލުކަން ކުޑަކުރެވޭ ކަމެވެ. ގިނަ ބައަކު ބަހަނާއަކަށް ދައްކަނީ ވަޤުތެވެ. އެބަހަނާ ދެއްކުނީތީ ހިތާމަކުރަންޖެހޭނެ ދުވަސް ބައްދަލުކުރާނެއެވެ.
މިހާރަކަށް އައިސް މީހުންގެ ވަޤުތު ހުންނަގޮތުން ޛިކުރުކުރަން ގިނަ ވަޤުތު އެއްފަހަރާ އިންނަން އުނދަގޫވެދާނެއެވެ. އެފަދަ މީހުންނަށް ބުނެލަން އޮތީ މިއީ ފަރުޟް 5 ނަމާދަށްފަހު ބަހާލައިގެންވެސް ކޮންމެ ދުވަހަކު ސަތޭކަފަހަރު ހަމަކޮށް ކިޔުން މިހުންމު ޛިކުރެއް ކަމަށެވެ.
އެއިރުން ކޮންމެ ނަމާދަކަށްފަހު ކިޔަންޖެހޭނީ 20 ފަހަރުއެވެ. އެއިރުން މަޑުކޮށްލަން ޖެހޭނީ އެންމެ 3، 4 މިނިޓްއިރެވެ. އެހައިއިރުކޮޅަކު މަޑުކޮށްލުމުން ލިބެން އޮތް ބޮޑުފައިދާތަކަށް ވިސްނައިލާށެވެ!
«لا إله إلا الله وحده لا شريك له، له الملك وله الحمد، وهو على كل شيء قدير»
މިޒިކުރު ދުވާލެއްގެ މައްޗަށް 100 ފަހަރު ކިޔައިފިނަމަ: 1- 10 އަޅުން މިނިވަންކުރި ފަދަ 2- 100 ހެޔޮކަން ލިޔުއްވޭނެ 3- 100 ފާފަ ފުއްސެވޭނެ 4- ޖިންނި ޝައިތާނުންގެ ކިބައިން ރައްކާތެރިކަން ލިބޭނެ (متفق عليه)- ޝައިޚް އަޙްމަދު ރިމާޒް
ޖިންނި ޝައިޠޯނުންގެ ކިބައިން ސަލާމަތްވެ ހުރެވުމަކީ ސިޙުރާއި އެސްފީނާއިންވެސް ސަލާމަތްކަން ލިބެން އޮތް މަގެކެވެ. އިން ޝާ ﷲ
