މޯލްޑިވިއަން ޑިމޮކްރެޓިކް ނެޓްވޯކް (އެމްޑީއެން) އުވާލަން ގޮވާލާ ވިލިމާލޭގައި ސުލްޙަވެރި ހިނގާލުމެއް ބާއްވައިފިއެވެ.
ވިލިމާލޭ ޒުވާނުންތަކެއް ނިކުމެ ފެށި މިހިނގާލުމުގައި، ގިނަ އަދަދެއްގެ ޒުވާނުންނާއި އެކި އުމުރުގެ މީހުންވެސް ބައިވެރިވެފައިވެއެވެ.
މިހިނގާލުން ހިންގުމުގައި އިސްކޮށް ހުންނެވި އިސް އެެއް ފަރާތް "މިއަދުނޫހަށް" މައުލޫމާތު ދެއްވަމުން ވިދާޅުވީ، މިހިނގާލުމަކީ ރަސޫލާ (ޞޢވ) އަށް ފުރައްސާރަކޮށް އެމްޑީއެން އިން ނެރުނު ރިޕޯޓު ކުއްވެރިކޮށް ސަރުކާރުން އެރިޕޯޓާއި ދެކޮޅަށް އަދިވެސް ފިޔަވަޅެއް ނާޅާ ހުރުމުގެ ސަބަބުން ބޭއްވޭ ހިނގާލުމެއް ކަމަށެވެ.
މިއަދު ހަވީރު 16:15 ހާއިރުން ފެށިގެން ކުރިއަށްދާ މިހިނގާލުން މިހާރުވަނީ ނިމުމަކާއި ގާތްވެފައެވެ.
