ދިވެހިރާއްޖެއިން ސަޢޫދީޢަރަބިއްޔާއަށް ވަޑައިގަންނަވާ ހާޖީންނަށް އެހީތެރިވުމަށް ޖިއްދާ، މައްކާ އަދި މަދީނާގައި އެންބަސީގެ ޓީމެއް ހަރަކާތް ތެރިވަމުން ދާނެ ކަމަށާއި އިމަރޖަންސީ އަދި ކޮންސިއުލަރ އެހީތެރިކަން ބޭނުންފުޅުވާނަމަ ގުޅުއްވާނެ ނަމްބަކީ 00966506894477 ކަމަށް ދިވެހި ޚާރިޖިއްޔާއިން ބުނެފިއެވެ.
ދިވެހި ޙާޖީންގެ ކަންކަން ގާތުން ބަލައި ސަރުކާރުން ފޯރުކޮށްދޭންޖެހޭ އެހީތެރިކަން ފޯރުކޮށްދީ މޮނިޓަރ ކުރުމަށްޓަކައި ދިވެހި ޙައްޖު މިޝަންގެ އޮފީހެއް މައްކާގައި ޤާއިމުކޮށް މިހާރުވަނީ ރަސްމީކޮށް މަސައްކަތް ފަށައިފައެވެ.
ދިވެހި ޙައްޖުވެރިން ޙައްޖަށް ފުރަން ހަމަޖެހިފައިވަނީ މިއަދުއެވެ. މިއަދު ފުރުމަށް ހަމަޖެހިފައިވަނީ 382 ޙާޖީންނެވެ.
