"އިއްޔެ މީހަކަށް ހަޖޫ ކިޔާފަ، މިއަދު ހަމަ އޭނައަށް ތަޢްރީފް ކުރުމަކީ ޖާހިލިއްޔަ ޒަމާނުގެ ޅެންވެރިންގެ އާދައެއް" ކަމަށް ޝައިޚް މުޙައްމަދު އިބްރާހީމް ވިދާޅުވުމުން އެކަން މިހާރު ވަނީ ސޯޝަލް މީޑިއާގައި ވަރުގަދަ ބަހުސް އަކަށް ވެފައެވެ.
ބައެއް މީހުން ބުނަނީ އިއްޔެ ހަޖޫ ޖެހީ އޭނާގެ ހަޤީޤަތް ނުއެނގި ކަމަށާއި މިއަދު ތަޢްރީފް ކުރަނީ ޙަޤީޤަތް އެނގުމުން ކަމަށެވެ. އެހެންކަމުން އެ ހާލަތުގައިވެސް އެކަން ވާނީ ހަމަ އެފަދަ ކަމަކަށްތޯއެވެ؟ އެއިގެ ޖަވާބުގައި ބައެއް މީހުން ބުނަނީ މީހަކަށް ހަޖޫ ކިޔަންވާނީ އެމީހެއްގެ ޙަޤީޤަތް ރަނގަޅަށް ބެލުމަށްފަހުގައި ކަމަށާއި ނޫންނަމަ އެއީ ފާފަވެރިވާނެ ކަމެއް ކަމަށެވެ.
މިބަހުސް ކިތަންމެ ގިނައިން ކުރެވުނު ނަމަވެސް ޝައިޚް ވިދާޅުވެފައިވާ ބަސްފުޅުގެ މުރާދެއް ކަމަށް ގިނަ ބައަކު ބުނަނީ މީހަކު އުޅޭ ގޮތް ކަމު ނުގޮސްގެން އެކަން ކަމަށް ފާޑުކިޔާފައި ހަމަ އެމީހާގެ އުޅުމަށް ނުވަތަ އަމަލުތަކަށް ހަމަ އެއްވެސް ބަދަލެއް ނުގެނެސް ހުއްޓައި އެމީހަކަށް ލިބޭ ނުފޫޒެއްގެ ސަބަބުން ނުވަތަ ބާރެއްގެ ސަބަބުން ހަމަ އެމީހަކަށް ތައުރީފް ކުރުމާއި "ކީހައި ޅެން ފަރިހި" ބަދަލުކުރުން ކަމަށެވެ. އެފަދަ ކަންކަމަކީ ޖާހިލިއްޔަ ޒަމާނުގެ ޅެންވެރިންގެ އާދައެއް ކަމަށެވެ.
މިއީ ދިވެހިންގެ ތެރޭގައި މިހާރަކަށް އައިސް ވަރަށް ގިނައިން ފެންނަމުންދާ ކަމެކެވެ. ވަރަށް ނުބައި ސިފައެކެވެ. ދީނީ ޢިލްމުވެރިންގެ ދަރުސްތަކުން އެނގޭ ގޮތުގައި މިފަދަ ކަންކަން ހިމެނިގެންދާނީ މުނާފިޤުންގެ އަމަލުތަކުގެ ތެރޭގައެވެ.
މީހަކު އުލެމުން ދިއަ ނުބައި ގޮތް އިޞްލާޙްކޮށް ޢަމަލުން އެކަން ދެއްކުމުން "ރާގު ބަދަލުކުރުމަކީ" ތަފާތު މައްސަލައެއްކަންވެސް ފާހަގަކުރެވެއެވެ.
