މިއީ ހަނދުމަކޮށްދިނުމެކެވެ. ޢުޒުރުވެރިންނަށް ނަމާދުކުރުމަށް ވަނީ ލުއިފަސޭހަ ްގޮތްތައް މިންވަރު ކުރައްވަވައިފައެވެ. އެލުއިފަސޭހަކަން ލިބިގަތުމަކީ މައްސަލައައެއް ނޫނެވެ. މައްސަލައަކަށްވަނީ ނަމާދުނުކުރުމެވެ.
ސުވާލު:. އިށީންދެގެން ނަމާދު ކުރެވޭނެ ޢުޒުރު ތަކަކީ ކޮބައިތޯ؟
ސިޒޭރިއަން ހަދާފައިވާ އަންހެނަކު އޭނާ ސަޖިދައަށް، ރުކޫއަށް ދާއިރު ބަނޑަށް އަދި މައި ބަދައަށް ތަދުވާތީ އިށީންދެގެން ކުރެވިދާނެތޯ؟ މިހާރު 1 އަދި ހާފް އިޔާރސް ވަނީ.
ޖަވާބު:. ކޮޅަން ހުރެގެން ނަމާދު ކުރަން ޢުޒުރުވެރި ވާނަމަ ނުވަތަ ރުކޫޢު، ސުޖޫދު ކުރަން އުޒުރުވެރި ވާނަމަ ގޮނޑީގައި އިށީންދެގެން އިނދެ ނަމާދު ކުރެވިދާނެ، ނަމަވެސް ކޮޅަށް ހުރެވޭ ހިސާބުގައި ކޮޅަށް ހުންނަން ވާނެ.
ސުވާލު:. ދަތުރުމަތީ ބަންގި ގޮވުމާ ބެހޭގޮތުން އެންމެ ރަނގަޅު ގޮތަކީ ކޮބައިތޯ؟
ޖުވާބު:. ދަތުރު މަތީގައި ހަމަ އެކަނި ޤަމަތް ދީފައި ނަމާދު ކުރީމައި ފުދޭނެ. إِنْ شَاءَ الله
ސުވާލު:. ހުން އައިސް ގައިގައި ރިއްސާ ވަރުބަލިވެފައި ހުންނަ ޙާލަތް ތަކުގައި ނަމާދު ޖަމްޢު ކުރެވިދާނެތޯ؟
ޖަވާބު:. ޤަޞްރު ނުކޮށް ހަމައެކަނި ޖަމްޢު ކުރެވިދާނެ.
- ޑރ. މުޙައްމަދު ޢިޔާޟު ޢަބްދުލްލަތީފް
