ފައިސާ! ފައިސާ! ކިޔަމުންގޮސް މިއަދު ގިނަ ބައަކަށް ޤަބޫލުކުރެވެނީ ތަނަވަސްކަމަކީ ފައިސާ ކަމަށެވެ. އެއް މާނައެއްގައި އެއީ ރަނގަޅު މާނައެއް ކަމަށްވެސް ބެލިދާނެއެވެ. ނަމަވެސް ޒަވާޖީޙަޔާތުގައި އެމާނަ ރަނގަޅެއް ނޫނެވެ.
ސަބަބު މިބުނަނީއެވެ! އުފާވެރި ޒަވާޖީ ޙަޔާތަކަށް ބޭނުންވާ ތަނަވަސްކަމަކީ ފައިސާކަމަށްވާނަމަ ފުނިފުންޏަށް ފައިސާ ގެންގުޅޭ ތަނަވަސް މީހުންގެ އަނބިން ވަރިވަނީ ނުވަތަ ތަނަވަސް އަނބިންގެ ފިރިން ވަރިވަނީ ކީއްވެގެން ހެއްޔެވެ؟ އެކަމުން އެނގެނީ ފައިސާގެ ތަނަވަސްކަމަކީ ޒަވާޖީ ޙަޔާތަކަށް ބޭނުންވާ އެންމެ ބޮޑު ތަނަވަސްކަން ނޫން ކަމެވެ.
ޙަޤީޤަތުގައި ޒަވާޛީ ޙަޔާތަށް ބޭނުންވާ ތަނަވަސްކަން ގުޅިފައިވަނީ ހިތާއިއެވެ. ޢަމަލުކުރާ ގޮތާއިއެވެ. ބައިވެރިޔާއަށް ވަފާތެރިވުމާއި، ރިވެތި އަޚްލާޤާއި އަނެކާއަށް އަޅައިލުމާއި ވަޤުތުދިނުން ފަދަ ކަންކަމާއިއެވެ.
ވީމާ ޒަވާޖީ ޙަޔާތަށް ބޭނުންވާ ތަނަވަސްކަމަކީ ފައިސާގެ ތަނަވަސްކަމެއް ނޫނެވެ. މިބަޔާންކުރި ކަންކަމެވެ. ފައިށާގެ ގޮތުން ތަނަވަސްކަން ނެތްނަމަވެސް އުފަލުގައި ދިރިއުޅެވޭކަން އެއީ މިބުނި ބަހުގެ ތެދުކަން އަންގައިދޭ ކަމެކެވެ.
- ތަޖުރިބާކާރު ޢިލްމްވެރިއެއްގެ ވާހަކަފުޅަކުން
- މިއަދުނޫސް
