ހެޔޮލަފާ އަންތބަކު ލިބުމުން ނިކަމެތިކޮށް އެއްލައިލާ މީހުން އެނަގައިލަނީ ހަމައެކަނި ދުނިޔެއެއް ނޫން! ގާތީ އާޚިރަތްވެސް ނުލިބުން!

ހެޔޮލަފާ އަންތބަކު ލިބުމުން ނިކަމެތިކޮށް އެއްލައިލާ މީހުން އެނަގައިލަނީ ހަމައެކަނި ދުނިޔެއެއް ނޫން! ގާތީ އާޚިރަތްވެސް ނުލިބުން! ޢަބްދުއްލަޠީފް ފައިސާއަށް ދަހިވެތިކަން ބޮޑުވީވަރުން މިހާރަކަށް އައިސް ނިޢުމަތެއް ދެއްވެވިކަމަށްވަނީވެސް ބޮޑު ތަނަވަސްކަމެއް ލިބުނީމައެވެ. އަހުރެންގެ ކުރިމަތީގައި ބޮޑު ތަނަވަސްކަމަކަށްވުރެ މުހިންމީ ހެޔޮލަފާ އަންތބެކެވެ. ސަބަބަކީ ހެޔޮލަފާ އަނބިމީހާގެ ސަބަބުން ޢާޚިރަތް ލިބިގެންދާނެތީއެވެ. ﷲ ތަޢާލާ ދެއްވަވާ އެންމެ ބޮޑު އެއް ނިޢުމަތަކީ ހެޔޮލަފާ ތަޤްވާވެރި ބައިވެރިއެކެވެ. އެފަދަ ބައިވެރިއަކު ލިބުމަކީ ދުނިޔެއާ އާޚިރަތް އެމީހަކަށް ބާއްޖަވެރިވެ ހުރިހާ މޮޅެއް ލިބުމަށް ފަހިވެގެންދާ އެންމެ ތަނަވަސް މަގުކަމަށްވެގެންދާތީއެވެ. ކައިވެނިކުރުމަށް ތަޤްވާވެރި ހެޔޮލަފާ އަންތބަކު ﷲ ދެއްވަވައިފިނަމަ ދީނުގެ ދެބައިކުޅަ އެއްބައި ފުރިހަމަވީއެވެ! އެމީހާއަށް ދެން އޮތީ އަނެއްބައިގައި ﷲ ތަޢާލާއަށް ބިރުވެތިވުމެވެ. މާނައަކީ ކުރާ ޢަމަލުތަކުގައި ތެދުވެރިވުމެވެ. ނަހީކުރައްވަވާފައިވާ ކަންކަމުން ދުރުހެލިވުމާއި ހެޔޮ ޢަމަލުތައްކުރުންމަތީގައި ދެމިހުރުމެވެ. Anas ibn Malik reported: The Messenger of Allah, peace and blessings be upon him, said, “Whoever Allah provides with a righteous wife, Allah has assisted him in half of his religion. Let him fear Allah regarding the second half.” Source: al-Mu’jam al-Awsaṭ 992 Grade: Sahih (authentic) according to Al-Suyuti މިޙަދީޘްފުޅުގައި މިވަނީ މިކަން އޮތްގޮތެވެ! އަނެއްބައި ފުރިހަމަވާނީ ދެމަފިރިން އެކުގައި އަޅުކަންކުރަން މަސައްކަތްކުރުމުންނެވެ! ވީމާ ދީން ފުރިހަމަކުރުމުގެ ނިޔަތުގައި ނޫނީ ކައިވެނި ނުކުރާށެވެ! ކައިވެނީގެ ޙަޤީޤީ ފޮނިމީރުކަން ޙާޞިލުކުރެވޭނީ އެއިރުންނެވެ! ކޮންމެ ފިރިހެނަކަށްވެސް ލިބޭނެ އެންމެ އަގުބޮޑު އެއްޗަކީ ކައިވެނިކުރާނެ ހެޔޮލަފާ އަންތބެކެވެ. އެފަދަ އަންބަކު ލިބިއްޖެނަމަ އެކުގައި ދިރިއުޅެން މަސައްކަތްކުރާށެވެ! ބޭވަފާތެރިނުވާށެވެ! ސިއްރުން ކަންކަން ނުކުރާށެވެ! ދޮގު ހަދައި އިތުބާރު ގެއްލުވައިނުލާށެވެ! އޮޅުވާލައި މަކަރު ނުހަދާށެވެ! އަދި ކިތަންމެ ހެޔޮލަފާ އަންތބަކުނަމަވެސް ހުރިހާ ކަންކަމަކަށް ފުދިގެން އިންނާނެ ކަމަށްވެސް ޔަޤީންނުކުރާށެވެ! މިޙަދީޘްފުޅުގައި އެއޮތީ ހެޔޮލަފާ އަންތބެއް ދެއްވެވުވުމުގެ ވާހަކައެވެ. އަހުރެންގެ ކުރިމަތީގައި ހެޔޮލަފާ ފިރިއަކު ދެއްވެވުންވެސް ހަމައެފަދައެވެ. ހެޔޮލަފާ ފިރިއަކު ދެއްވަވައިފިނަމަ ހަމަ މިބުނި މަގުން ޢަމަލުކޮށް އެކުގައި ދިރިއުޅެން މަސައްކަތްކުރާށެވެ! ފުރުޞަތަކީ އަބަދު ދެއްވަވާނެ އެއްޗެއް ނޫނެވެ! - އިސްލާމީ ތިލަފަތުގެ ދަރުސަކުން