އެމީހެއްގެ ޙަޔާތުގައި ގުދުކަމެއް ނެތިއްޖެނަމަ ކުރިއަށްދެވޭނީ ސީދާމަގުންނެވެ. ސީދާ މަގުދައްކައިދޭ ހަމައެކަނި ގޮތަކީ ﷲ ތަޢާލާ އަންގަވާފައިވާ ގޮތަށް އުޅުމެވެ. އެގޮތަށް އުޅެވޭނެ ހަމައެކަނި ގޮތަކީ ކީރިތި ޤުރްއާނަށް ޢަމަލުކުރުމެވެ.
"އެމީހެއްގެ ޙަޔާތުގެ މަންހަޖެއްކަމުގައި ޤުރުއާން ހަދައިފިމީހާގެ ޙަޔާތުގައި އެއްވެސް ގުދުކަމެއް ނުވާނެއެވެ. އެހެނީ އެފޮތް އޭނާ ހުރިހާ ގުދުކަމަކުން ސަލާމަތްކޮށްދޭނެއެވެ.
الْحَمْدُ للهِ الَّذِي أَنزَلَ عَلَى عَبْدِهِ الكتَابَ وَلَمْ يَجْعَل لَّهُ عِوَجًا- الكهف 1
"ހުރިހާ ޙަމްދެއް މިލްކުވެގެންވަނީ ﷲ އަށެވެ. އެއިލާހީ އެއިލާހުގެ އަޅާއަށް ފޮތް ބާވައިލެއްވި އިލާހެވެ. އަދި އެއިލާހު އެ ފޮތުގައި، އެއްވެސް ގުދުކަމެއް (ނުސީދާކަމެއް) ނުލައްވަތެވެ." (އަލްކަހްފި: 1)
ގުދުކަމެއް ނެތް ފޮތަށް ތަބާވެގެން ތިއަބައިމީހުންގެ ޙަޔާތް ގުދުކަމުން ސަލާމަތްކުރާށެވެ!
- ޝައިޚް މުޙައްމަދު ޝާފިޢު
