ޢާއިޝަތު ރަފާޙް ޢަލީ
ސުބުޙާނަﷲ! ކީރިތި ރަސޫލާ ﷺ އަހަރެމެންނަށް އުނގަންނައިދެއްވާފައިވާ، އަހަރެމެންގެ ޙަޔާތަށް އެންމެ ބޮޑެތި ބަރަކާތްތައް ގެނެސްދޭ އެންމެ ހެޔޮ ދުޢާތަކުގެ ދަރުމައާއި ސަވާބާ މެދު ވިސްނާލާއިރު، ބައެއް ފަހަރު ޤަބޫލުކުރަންވެސް ދަތިވެއެވެ. އެންމެ ޖުމްލައަކުން މިހާ ބޮޑު ނިއުމަތެއް ނުވަތަ ދަރުމައެއް ލިބިދާނެބާއޭ ހިތަށް އަރައެވެ. ޢާންމުގޮތެއްގައި މިފަދަ ދުޢާތަކަކީ، އިންސާނާގެ ނިކަމެތިކަމާއި ﷲއަށް މުޅިން އީމާންވެ ކިޔަމަންގަތުން އެންމެ ފުރިހަމައަށް އެކުލެވިގެންވާ ދުޢާތަކެވެ.
އެހެންކަމުން ތިޔަބައިމީހުންނަށް ފެންނާނެއެވެ:
يَا حَيُّ يَا قَيُّومُ بِرَحْمَتِكَ أَسْتَغِيثُ، أَصْلِحْ لِي شَأْنِي كُلَّهُ، وَلَا تَكِلْنِي إِلَى نَفْسِي طَرْفَةَ عَيْنٍ
(އޭ ދިރިދެމިވޮޑިގެންވާ އިލާހެވެ! އޭ ހުރިހާ ތަކެއްޗެއް ބަލަހައްޓަވާ އިލާހެވެ! އިލާހުގެ ރަޙްމަތްފުޅަށް އެދި ތިމަންއަޅާ ދަންނަވަމެވެ. ތިމަންއަޅާގެ އެންމެހައި ކަންކަން އިޞްލާޙުކޮށްދެއްވާފާންދޭވެ! އަދި އެސްފިޔަޖަހާލާހާ ހިނދުކޮޅަކަށްވެސް ތިމަންއަޅާގެ ނަފްސުގެ މައްޗަށް ތިމަންއަޅާ ދޫކޮށްނުލައްވާފާންދޭވެ!)
މިއީ އަހަރެމެން ކުރިންވެސް ދައްކާފައިވާ މަޝްހޫރު ޙަދީޘެކެވެ. ފަހެ، ތިބާގެ އެންމެހައި ކަންކަމާއި ކުޅަދާނަކަން ﷲ ސުބުޙާނަހޫ ވަތަޢާލާއަށް ޙަވާލުކުރުމުން، އެކަލާނގެ ތިބާގެ ކަންކަމާއި، ކަންބޮޑުވުންތަކާއި، ހިތުގެ ހަމަޖެހުން މުޅިން ބަލަހައްޓަވައިދެއްވައެވެ.
އަންބިޔާ ސޫރަތުގެ 87 ވަނަ އާޔަތުގައި ﷲ ތަޢާލާ ވަޙީކުރައްވާފައިވެއެވެ.
لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ
"އިބަރަސްކަލާނގެ މެނުވީ، إله އަކު ނެތެވެ. އިބަރަސްކަލާނގެ ހުސްطاهر ވަންތަކަމާއެވެ! ހަމަކަށަވަރުން، އަނިޔާވެރިންގެ ތެރެއިން މި އަޅާވީމެވެ."
މިއީ يُونُس عَلَيْهِ السَّلَامُ ގެ ދުޢާއެވެ. ކީރިތި ރަސޫލާ ﷺ ޙަދީޘް ކުރެއްވިއެވެ: މީހަކު މި ދުޢާ/ޛިކުރު ކޮށްފިނަމަ، އެމީހެއްގެ ބޭނުން ﷲ ސުބުޙާނަހޫ ވަތަޢާލާ ފުއްދަވައިނުދެއްވައެއް ނުދާނެއެވެ.
އަދި
حَسْبِيَ اللَّهُ وَنِعْمَ الْوَكِيلُ
"ތިމަންއަޅާއަށް ﷲ ފުދެއެވެ. އަދި ވަކީލުކުރެވޭ އެންމެ މޮޅު ފަރާތަކީ އެކަލާނގެއެވެ."
މިއީ ކީރިތި ރަސޫލާ ﷺ ގެ ޞަޙާބީންނަށް ނުހަނު ދަތި އުނދަގޫ ވަގުތުތަކުގައި، ކިޔެވޭ ބަސްފުޅެކެވެ. އަދި ތިބާގެ ކުރިމަތީގައިވާ ހުރަސްތަކާއި މުޞީބާތްތައް ބޮޑުވިވަރަކަށް، އެ ހުރިހާ ކަމަކަށްވުރެ ﷲ ބޮޑުވެވޮޑިގެންވާކަން ހަނދާންކުރުން މުހިންމެވެ.
- ޑރ އުމަރު ސުލައިމާންގެ ދަރުސަކުން
- މިއަދުނޫސް
