ޢާއިޝަތު ރަފާޙް ޢަލީ
اللهم رزقني حبك ("އޭ ހަދާބޮޑުކުރެއްވި ރަސްކަލާކޮ! އިބަރަސްކަލާނގެ ލޯބި މިއަޅާއަށް ރިޒުޤު ކުރައްވާނދޭވެ)
އަދި އިބަރަސްކަލާނގެ ޙަޟްރަތުގައި ތިމަންއަޅާއަށް އެބައެއްގެ ލޯބިން ފައިދާކުރާނެ މީހުންގެ ލޯބިވެސް ދެއްވާނދޭވެ!
ނުބައި ކަންކަމަށްޓަކައި ލޯބިވެވޭ މީހުންވެސް ތިބެއެވެ. ނަމަވެސް ތިމަންއަޅާ ބޭނުންވަނީ އިބައަލާނގެ ޙަޟްރަތުގައި ތިމަންއަޅާއަށް އެބައެއްގެ ލޯބިން ފައިދާކުރާނެ މީހުންގެ ލޯތްބެވެ. ތިމަންއަޅާ ބޭނުންވަނީ އިބަރަސްކަލާނގެ ލޯބިވެވޮޑިގަންނަވާފަދަ އެކުވެރިކަމެއް އޮންނަ އެކުވެރިންނެވެ.
"އޭ ހަދާބޮޑުކުރެއްވި ރަސްކަލާކޮ! ތިމަންއަޅާއަށްޓަކައި ތިމަންއަޅާގެ އެކުވެރިން އިޚްތިޔާރުކޮށްދެއްވާނދޭވެ! ރަނގަޅު ހެޔޮލަފާ އެކުވެރިންނާ ދިމާއަށް ތިމަންއަޅާގެ ހިތް ހިދާޔަތްކޮށްދެއްވަވާނދޭވެ!
اللهم ما رزقتني مما أحبه فاجعله قوة لي فيما تحبه (އޭ ހަދާބޮޑުކުރެއްވި ރަސްކަލާކޮ! ތިމަންއަޅާ ލޯބިވާ ކަންކަމުގެ ތެރެއިން އިބަރަސްކަލާނގެ ތިމަންއަޅާއަށް ދެއްވި ކޮންމެ ނިޢުމަތެއް، އިބަރަސްކަލާނގެ ލޯބިވެވޮޑިގަންނަވާ ކަންކަމާ ދިމާއަށް ވާޞިލުވުމަށްޓަކައި ތިމަންއަޅާއަށް ލިބޭ ބާރެއް ކަމުގައި ހައްދަވާނދޭވެ!)
اللهم ما زويت عني مما أحبه فاجعله فراغا لي فيما تحبه
(އޭ ހަދާބޮޑުކުރެއްވި ރަސްކަލާކޮ! އަދި ތިމަންއަޅާ ލޯބިވާ ކަންކަމުގެ ތެރެއިން ތިމަންއަޅާގެ ކިބައިން އިބަރަސްކަލާނގެ ދުރުކުރެއްވި ކޮންމެ ކަމެއް، އިބަރަސްކަލާނގެ ލޯބިވެވޮޑިގަންނަވާ ކަންކަން ކުރުމަށްޓަކައި ތިމަންއަޅާއަށް ލިބޭ ހުސްވަގުތެއް/ފުރުޞަތެއް ކަމުގައި ހައްދަވާނދޭވެ!)
ތިމަންއަޅާގެ ހިތުގައި ކުރަން ނުރުހުމެއް ހުރެދާނެ ކޮންމެ ހެޔޮ ޢަމަލަކަށް ތިމަންއަޅާގެ ހިތް ލޯބިކުރައްވާންދޭވެ! އަދި ތިމަންއަޅާ ލޯބިވާ، ނަމަވެސް މާތް ﷲ عز وجل ކޯފާވެވޮޑިގަންނަވާ ކޮންމެ ފާފައަކަށް ތިމަންއަޅާގެ ހިތުގައިވާ ލޯބި ނައްތާލައްވާނދޭވެ! ޙަޤީޤަތުގައި އެފަދަ ކަންކަމުން ތިމަންއަޅާގެ ހިތް އެއްކޮށް އަނބުރާލައްވާނދޭވެ! އަދި އެދެމެދުގައިވާ ހުއްދަކަމެއް ކަމުގައި ވިޔަސް، އެކަމަކު އެކަމެއްގެ ސަބަބުން އިބަރަސްކަލާނގެ މަތިން ތިމަންއަޅާ ޣާފިލުކުރުވާނަމަ، ތިމަންއަޅާ އެކަމެއް ބޭނުމެއް ނޫނެވެ.
އޭގެ ބަދަލުގައި، އެކަމަކީ އިބަރަސްކަލާނގެއަށްޓަކައި އަޅުކަންކުރުމުގައި ތިމަންއަޅާ މަޝްޣޫލުކުރުވާ ކަމެއް ކަމުގައި އަނބުރާލައްވާނދޭވެ!
- ޑރ. ޢުމަރު ސުލައިމާންގެ ދަރުސަކުން
- މިއަދުނޫސް
