ރާއްޖޭގެ މިސްކިތްތަކުގެ އިމާމުން ތަމްރީނު ކުރުމުގެ ޕްރޮގްރާމްގެ ދަށުން މިރޭ ބުރޫނާއި ދާރުއްސަލާމަށް ފުރާ 20 އިމާމުންނާއި އިސްލާމީ ވަޒީރު ޑރ. މުޙައްމަދު ޝަޙީމް ޢަލީ ސަޢީދު ބައްދަލުކުރައްވައިފިއެވެ.
މިއީ ރާއްޖެއިން ބޭރަށް މިއަހަރު އިމާމުންދާ 3 ވަނަ ފަހަރތެވެ. މިގޮތުން މިހާރު ކުރިއަށްމިދާ ޜައީސް ޑރ. މުޙައްމަދު މުޢިއްޒުގެ ވެރިކަމުގައި މިހާރުވަނީ 60 އިމާމުން ރާއްޖެއިން ބޭރަށް ފޮނުވައިފައެވެ.
ތަޖުވީދުމަގުން ކިޔަވަންވެސް އުނދަގޫ ބައެއް އިމާމުން މިހާރުވެސް މިސްކިތްތަކުގައި އެބަތިބިކަން ފާހަގަކުރެވޭއިރު އިމާމުކަމުގެ ވަޒީފާ ނުލިބިގެން ތަޖުވީދުމަގުން ކިޔަވަން އެނގޭ، ޤުރްއާނުގެ ޢިލްމްވެސްހުރި އެތައް ޒުވާނުން އިންތިޒާރުގައި މިހާރުވެސް އެބަތިބިކަން ފާހަގަކުރެއެވެ.
ކޮންމެވެސް ޒަމާނެއްގައި ކޮންމެވެސް ގޮތަކުން ލިބިފައިވާ އިމާމްކަމުގެ ސަނަދުތައް އަލުން މުރާޖަޢާކުރަން ޖެހިފައިވާކަންވެސް ގިނަ ބައަކު ފާހަގަކުރެއެވެ.
އިމާމުން ތަމްރީނު ކުރުމުގެ ޕްރޮގްރާމްގެ ދަށުން މިރޭ ބުރޫނާއި ދާރުއްސަލާމަށް ފުރާ 20 އިމާމުންނާ ބައްދަލުކުރުން. މިއީ ރާއްޖެއިން ބޭރަށް މިއަހަރު އިމާމުންދާ 3 ވަނަ ފަހަރު. މިގޮތުން މިއަހަރު 60 އިމާމުންވަނީ ރާއްޖެއިން ބޭރަށް ފޮނުވިފަ. pic.twitter.com/H7FPf51bhP
— Mohamed Shaheem Ali Saeed (@Mohamedshaheem1) July 16, 2024
