މައިލޯ ނެޓްބޯލް ޓޫނަމަންޓްގެ ރޭ ކުޅުނު 2 މެޗް ކުޅުދުއްފުށި ޔޫތް އެންޑް ރެކްރިއޭޝަން ކްލަބް (ކޭވައިއާރުސީ) އާއި ޝައިނިންގ ސްޓާރ ސްޕޯޓްސް ކްލަބުން ކާމިޔާބުކޮށްފިއެވެ.
ކުޅުދުއްފުށި ޔޫތް އެންޑް ރެކްރިއޭޝަން ކްލަބް (ކޭވައިއާރުސީ) އާއި ޔޫތު ޔުނިޓެޑް ސްޕޯޓްސް ކްލަބް ބައްދަލުކުރި މެޗް 14/70 ޕޮއިންޓުން ކާމިޔާބުކުރީ ކުޅުދުއްފުށި ޔޫތް އެންޑް ރެކްރިއޭޝަން ކްލަބް (ކޭވައިއާރުސީ)އެވެ. މެޗްގެ ކްއީން އޮފްދަ މެޗްގެ މަޤާމް ހޯދީ ކުޅުދުއްފުށި ޔޫތް އެންޑް ރެކްރިއޭޝަން ކްލަބް (ކޭވައިއާރުސީ)ގެ ކެޕްޓަން މަރްޔަމް ޝިނާޢަތުއެވެ.
ދެވަނައަށް ކުޅުނު ކްލަބް މެޓްރިކްސް އާއި ޝައިނިންގ ސްޓާރ ސްޕޯޓްސް ކްލަބް ބައްދަލުކުރި މެޗް 12/72 ޕޮއިންޓުން ކާމިޔާބުކުރީ ޝައިނިންގ ސްޓާރ ސްޕޯޓްސް ކްލަބެވެ. މެޗްގެ ކްއީން އޮފްދަ މެޗްގެ މަޤާމް ހޯދީ ޝައިނިންގ ސްޓާރ ސްޕޯޓްސް ކްލަބްގެ ޙަމްނާ ޢަބްދުއްރަހްމާން އެވެ.
