"ސިންދޫރު-2" ނަމަކަށް ކިޔާ މަސްބޯޓެއް އިއްޔެ ހެނދުނު ފެނިފައިވަނީ އެސަރަޙައްދު މަސްވެރިކަން ކުރަން އުޅުނު "ދިރުން" ނަމަކަށް ކިޔާ މަސްދޯންޏަކަށް ކަމަށް އެމްއެންޑީއެފް އިން ބުނެފައިވެއެވެ.
އިއްޔެ ފެނުނު ލަންކާ މަސްބޯޓުގައި ޖުމްލަ ހަތް މީހުން ތިބި ކަމަށާއި އެމީހުން ރޭގެ ވަގުތެއްގައި ގދ. ތިނަދޫ އަށް ގެންދެވުން ކަމަށް އެމްއެންޑީއެފް އިން ބުންޏެވެ.
އެމްއެންޑީއެފް ކޯސްޓްގާޑް "ނޫރައްދީން" ލޯންޗުން އެމީހުން މާލެ ގެނައި މިރޭ 18:30 ހާއިރުއެވެ.
ޝްރީ ލަންކާގެ އެމަސްބޯޓު ހާލުގައި ޖެހިފައިވަނީ ބެޓްރީ ފެއިލް ވެގެނެވެ. އެބޯޓުގައި ތިބި މީހުން ސަލާމަތް ކުރެވިފައިވީ ނަމަވެސް، އެމީހުން ތިބި މަސްބޯޓު ވަނީ ހުވަދޫ އަތޮޅާއި ލ. އަތޮޅާއި ދެމެދުން ހުޅަނގަށް އޮޔާ ގޮސްފައެވެ. އެހެންކަމުން އެސަރަޙައްދުގައި ދަތުރުކުރާ ފަރާތްތަކުން ސަމާލުވުމަށް ވެސް އެމްއެންޑީއެފް އިން އިލްތިމާސް ކޮށްފައިވެއެވެ.
