ހައުސިންގް މިނިސްޓަރ ޑރ. މުޙައްމަދު މުއިއްޒު މިއަދު ކުރެއްވި ޓްވީޓެއްގައި ވިދާޅުވެފައިވަނީ ކާމިޔާބުކަމާއި އެކީ ފުރަތަމަ އައިބީމް އަޅައިފި ކަމަށާއި، ދެވަނަ އައިބީމް އެޅުން އޮތީ މިއަދު މެންދުރުފަހު ކަމަށެވެ.
CMFB 1st I beam installation done successfully today. A historic milestone reached. 2nd one to be done this afternoon. #RYameen2018 pic.twitter.com/Foa3aYgLKa
— Dr.Mohamed Muizzu (@MMuizzu) July 6, 2017
އައިބީމް އެޅުމަކީ ބްރިޖްގެ ސުޕާ ސްޓްރަކްޗަރ އެޅުމުގެ ފުރަތަމަ މަސައްކަތެވެ. ބްރިޖްގެ ޑެކުތައް އަޅަނީ އައިބީމް މަތީގައެވެ.
ބްރިޖްގެ މަސައްކަތް މިހާތަނަށް ގޮސްފައިވާ ހިސާބު އިއްޔެގެ ހަވީރުގެ ވަގުތެއްގައިވަނީ މީޑިއާތަކަށް ދައްކާލާފައެވެ. އަދި އެޓުއަރ އަށްފަހު ނޫސްވެރިންނާއި ވާހަކަ ދައްކަވަމުން ޑރ. މުއިއްޒު ވިދާޅުވީ މިއަދު އެޅުނު ފުރަތަމަ އައިބީމް އަކީ މާލެކޮޅުން އެޅުނު އައިބީމް އެއް ކަމަށާއި މުޅި ބްރިޖުގައި އެކަނިވެސް 240 އައިބީމް ސެގްމެންޓު ހުންނާނެ ކަމަށެވެ.
