އެސްޓީއޯ ސުޕަރމާޓުން ކުރިއަށް ގެންދިއަ ޑެވޮންޑޭލް ޕްރަމޯޝަނުގެ ނަޞީބުވެރިން ހޮވައިފި އެވެ.
ޕްރަމޯޝަނުގެ ނަޞީބުވެރިންގެ ގޮތުައި ހޮވުނު ފަރާތްތަކުގެ ތެރެއިން މޫމިނާ (އައިޑީ ކާޑު ނަމްބަރު އޭ 128410) އަށް ވަނީ 150،000 ރުފިޔާ އާއި 1 އަަހަރު ދުވަހުގެ ޑެވޮންޑޭލް ކިރު ލިބިފައެވެ.
ގިނަ އަދަދެއްގެ ކޫޕަން ލާފައިވާ މޫމިނާއަށް ދޮޅު ލައްކަ ރުފިޔާގެ އިނާމު ލިބުނީ 1 ވަނަ އަށާއި 2 ވަނައަށްވެސް އޭނާ ލައިފައިވާ ކޫޕަންތައް ހޮވުމުންނެވެ. 3 ވަނައަށް ހޮވިފައިވަނީ ސަލީމް (އައިޑެންޓިޓީ ކާޑު ނަމްބަރު އޭ 074261) އެވެ. އޭނާއަށް ލިބޭނީ 25،000 ރުފިޔާގެ އިނާމެވެ.
މީގެ އިތުރުން 1 އަަހަރު ދުވަހަށް ޑޮވެންޑޭލް ހިކިކިރު ލިބޭ 25 ނަޞީބުވެރިންގެ ނަންތައް މިއަދު ވަނީ ގުރުވަތުންނަގައި އިއުލާނުކޮށްފައެވެ. 3،2،1 ވަނައަށް ހޮވުނު ފަރާތްތަކުގެ ކޫޕަން ނަންގަވައިދެއްވީ އެސްޓީއޯގެ ސީނިއަރ ޖެނެރަލް މެނޭޖަރ ފާޠިމަތު އާޝާންއެވެ. 1 އަހަރު ދުވަހަށް ޑެވޮންޑޭލް ހިކިކިރު ލިބޭ ނަޞީބުވެރިންގެ ކޫޕަންތައް ނަންގަވައިދެއްވީ އެސްޓީއޯ ސްޕަރމާޓުގެ އިސް މުވައްޒިފުންނެވެ.
25 ނަޞީބުވެރިންގެ ކޫޕަންތައް ނެގިއިރުވެސް ގިނަ އަދަދަކަށް މޫމިނާގެ ކޫޕަންތައް ނެގުނެވެ. ދެވަނަ ނަޞީބުވެރިއަކަށް މޫމިނާގެ ކޫޕަން ހޮވުމުން 1 ވަަނ ނަޞީބުވެރިއާ ހޮވުމަށް ޒާޝާން ކޫޕަން ނެންގެވީ ކޫޕަންފޮށި ވަރަބޮޑަށް ހޭއްވެވުމަށްފަހުއެވެ. އެހެންކަމާއިއެކުވެސް 1 ވަނަ ނަޞީބުވެރިއަކަށްވެސް ހޮވިފައިވަނީ ހަމަ މޫމިނާއެވެ. 
ޑެވޮންޑޭލް ހިކިކިރަކީ މިހާރު އެންމެ މަޤްބޫލު ހިކިކިރުތަކުގެ ލިސްޓުގެ އެންމެ ކުރިން ޖާގަ ހޯދާފައިވާ މަޤްބޫލް ކިރަކަށްވާތީ ވަރަށް ގިނަ ބައަކު ވަނީ ޑެވޮންޑޭލް ހިކިކިރު ގަނެ ކޫޕަން ލައިފައިކަން ފާހަގަކުރެވއެވެ.
